گئت
گئتمگ ايسته ييرسن
بهانه ايله گئت
هايلا گئت
اوياد مورگولو خاطيره لري
نه سسين همن سسدي
نده كي باخيشين
گئديرسن ايكيسي ده يوخ اولسون باري
سن چيچكلر ايچره بيتميش
هرزه بير آلاق
نه قيشين وار نده كي يازين
بيلميردين پاييزدا چيچكلر سولاجاق
سيناجاق سنين او كوك سيز سازين
گئتمگ ايسته ييرسن
هم دانيش همده دين
قوي بيلسين عالم
سن سئون دئييلدين
قوي بيلسين كي
سن ديرچه لمگه گوبه لك كيمي
ييخيلميش آغاج گوزله ييردين...شاعير: هاشيم موغانلي
ساوالانيم
ساوالانيم ، قارلي داغلار
باخ گؤر ائلين ، نئجه آغلار!
آلين يازين ، اورك داغلار!
تورك ائللري ، منيم ائليم
ساوالانين ، رنگي آل دير
يئر اوزونده ، گؤزل خالدير
نامردلره ، گؤتور سالدير
تورك ائللري ، منيم ائليم
ساوالانين ، اتك لري
قيرميزي دير ، چيچك لري
دولو بالدير ، پتك لري
تورك ائللري ، منيم ائليم
ساوالانين ، آلني آچيق
هم چادير وار ، هم آلاچيق
قاپيلاري ، هر واخت آچيق
تورك ائللري ، منيم ائليم.
دكتور م.چ
قايناق:اورمو بيلي يوردونون ساراي درگي سي
سوال: با "آذربايجان" جمله بسازيد:
جواب:
ايران سقوط كرد آذربايجان سقوط نكرد.
آذربايجان سقوط كرد تبريز سقوط نكرد.
تبريز سقوط كرد 4 محله از 29 محله هاي تبريز سقوط نكرد.
3 محله ي سقوط نكرده سقوط كردند محله ي امير خيز سقوط نكرد.
محله ي امير خيز سقوط كرد خانه ي مشروطيت سقوط نكرد.
خانه ي مشروطيت سقوط كرد اتاق فرماندهي سقوط نكرد.
اتاق فرماندهي سقوط كرد ستار خان ايستاده بود.
ستار خان تنها بود.
ستار خان ايستاد اتاق فرماندهي به پا خاست.
اتاق فرماندهي به پا خاست خانه ي مشروطيت به پا خاست.
خانه ي مشروطيت به پا خاست محله ي امير خيز به پا خاست.
محله ي امير خيز به پا خاست 4 محله به پا خاست.
4 محله به پا خاست تبريز به پا خاست.
تبريز به پا خاست آذربايجان به پا خاست.
آذربايجان به پا خاست ايران به پا خاست.
زماني كه ستار خان در تبريز قيام مشروطه خواهي را آغاز كرد مجلس در
تهران تاسيس شد. محمد علي شاه با توجه به پشتيباني روس ها خاطر نشان
كرد كه اين مجلس
كاربردي نيست و من تنها قدرت تصميم گيري در كشور
هستم. براي سركوب ستارخان 40000 سرباز به تبريز فرستاد.
كسي در تهران از مشروطيت در اين زمان دفاع نكرد و حتي كوچكترين
مقاومتي.ايران در برابر فرستادن اين قشون براي سركوبي مشروطه
خواهان سكوت اختيار كرد.
در آن زمان افكار عمومي بر اين تصور بود كه ستارخان توان مقابله با
اين لشگر را ندارد و به تبع آن همگي روشنفكران موج سوار از
پشتيباني مشروطيت دست كشيدند.
آذربايجان تنها ماند.
آذربايجان سقوط كرد.
تبريز تنها ماند.
از تبريز 29 محله 25 محله با نصب پرچم هاي سفيد امان خواستند.
4 محله تنها ماند.
3 محله غير از محله ي امير خيز با نصب پرچم سفيد امان خواستند.
محله ي امير خيز تنها ماند.
همگي بر اين باور بودند كه ستارخان و مشروطيت توان مقابله ندارد.
محله ي اميرخيز نيز پرچم سفيد .
خانه مشروطيت تنها ماند.
فرماندهان به فكر تسليم افتادند.
ستارخان تنها ماند.
ستارخان به كوچه مي رود و پرچم هاي سفيد را مي بيند چند پرچم
را مي شكند و نطقي مي كند.
اهالي محل شرمگين مي شوند در برابر سردارشان.
محله به محله پرچم ها توسط خود اهالي شكسته مي شود.
تبريز آماده مبارزه با استبداد است.
خبر به شهرهاي آذربايجان مي رسد كمك به ستارخان مي رسد.
و ...............
در اين نبردها كشتار به قدري بود كه حتي چندين خانواده دلاوران
آذربايجان، نسلشان از روزگار محو شد.
حتي يك كودك از آنها نماند.
ولي چيزي كه مانده است:
ماندگاري نامشان در تاريخ و قلب ها و رگ هاست.
«منبع: هفته نامه اولدوز، سال پنجم، شماره 247»
بير گون يئل اؤز گوجونه گووه نركن دوشونر:«ندن من گونش دن آشاغيدايام و هامي گونشي مندن اوستون بيلير، او نه بير شئي يئريندن اوينادا بيلرنه ده بير ايش گؤره ر.. آما من هر نه ايسته سم داغيدارام و هرنه يي هر يئره ايسته سم آپارا بيلرم...» بو دوشونجه ايله گئدير گونشين يانينا و دئير « سنجه سنين قودرتين چوخدور يوخسا منين؟؟» گونش ساده جه گولوب دئيير:« سن ندن اؤزونو منله توتوشدوروبسان؟ اولمايا اؤز گوجونه بيلگين يوخدور؟» يئل بو سؤزدن آجيييب هيرسله دئييير:« ايسته ييرسن گل ياريشاق؟» گونش يئنه گولر اوزلو دئيير:« سن نئجه دئسن ائله ياريشاق..» يئل يئرده چاي قيراغيندا اولان كيشي ني گؤرسه ديب دئير گل گؤرك هانسيميز بو كيشي نين پالتارلاريني چيخارا بيلريك؟» گونش دئير «اؤنجه اؤزون سينا..» يئل قانادلاريني اوزالديب چاليشار كيشينين پالتاريني چيخارتسين، آما كيشي موحكم ياپيشار كؤيرگيندن و قويماز يئل آپارا، يئل يئنيدن گوجونو چوخالديب بير داها چاليشار، آما كيشي ده موحكم ياپيشار پالتاريندان. يئل تام گوجوايله اسر بلكه كؤيرگي چيخارتسين آما كيشي بير آغاج تاپيب، سيغينار دالداسينا و موحكم ياپيشار كؤيرگيندن.. يئل پالتاري چيخارتماق دان ال چكيب گلر گونشين يانينا دئير من چيخارا بيلمه ديم بيليرم سنده چيخارا بيلمزسن آما ايسته ييرسن سينا.. گونش تبسوم له كيشي يه باخيب بيراز ايستيسيني چوخالدار، كيشي كؤيرگينين دوگمه لريني آچار، بيرازدا ايستي سيني چوخالدار، كيشي ترله ييب كؤيرگله تريني سيله ر. گونش يئنه ايستي سيني چوخالداندا كيشي كؤيرگي چيخاريب و اؤزونو آتار سويا...
يئل باشيني ساليب آشاغي:« دئير دوزدو منيم گوجوم وار ، هر نه يي يئريندن اوينادا بيلرم آما سنين ايراده ن هرنه دن گوجلو و موحكم دير.»
يازار: آي سو
| |
اويان باجيم،ساليب لار بيزي قفسه آه چكيب قان اودوروق هر نفسه سوسماق اولوب نشانه يه متانت متانتين لازمه سي اطاعت دينچي لر ائديب لر وسيله بيزي قادين حاققينين قالماييب هئچ ايزي اؤلدون بهشت آياقين آلتيندا اود ايچينده سن،ديري واختيندا آناا دئمه ياساق بير سؤزاولوبدور يابانجي ديل توركو يئرين توتوبدور بالان گرك قاييدا اؤز اصلينه اؤيرد توركونو گله جگين نسلينه فارسجا دانيشماغي افتخار سانما آنا ديليني هئچ بير شئيه ساتما تاريخه باخ نگاري گؤر فخر ائله شاهنامه لردي يازيليرلار يئنه زينب پاشادان اؤيرن غيرتي گناه كارسان قبول ائدسن ذلتي
saray.sulduzlu 1390/3/4 | |
نوشته شده توسط:ساراي سولدوزلو، آي سو
وطن قارداشي
وطن قارداشي دئديم بو يولدا سنه
دئديم بويوك قارداش سان، داياقسان منه
وطنيمه اؤلورم دئيرسن يئنه
چيخارمي سس اگر اولسا ال بير دنه؟
دئديم اليمدن توتوب يارديم ائدرسن
گوردوم اياقدان چكيب سونرا گئدرسن
ايله ش يئرينده،سن قيزسان منه دئيرسن
هله سورا منيم قدريمي بيلرسن
ميللت چي ليقي آپاريب شهرت سئلي
سن ايستيرسن قوروياسان بو ائلي؟؟؟
گون به گون آرتيريرسان آرادا كئني
بو ايشلردن سينديريسان وطن بئلي
منده ائلين قيزيام گل بير چاليشاق
بيز گرك بير بايراق آلتيندا ياشياق
بيزيم آماجيميز اؤزگورلوقدو ،گرك
باجي قارداش اولوب ، بيرليكدن باريشاق
وطنيميز ايستير بيز بير اولاق
دشمندي ايستيير ايلگيميزي پوزاق
ايستيرلر يولوموزدا قويو قازاق
ياخين يولو ائديرلر بيزه اوزاق
وطن آناميزدي ، سن سن قارينداشيم
گورسم يامان گونده سن آخار گؤز ياشيم
بير سئوگيليم وار، مين لرجه قارداشيم
ساراي دي منيم آديم، اوجادير باشيم
تيلفونو گؤتوردوم، اللريم اسيردي، اوره ييم بير بالا قوش اوره يي كيمي چيرپيردي، آغزيم دوزلاق چؤللر كيمي قوروموشدو
****
يئنه دوزلاق دئديم بوتون آجي لار ياديما دوشدو، بير سوسوز دنيز، بير حاقلي ميللت، بير بئيني بوش قورولتاي... بيرده ديل قانماز سيلاح لار و قورشون لار..
دوشوندوم اولمايا عاشورا تيكرار اولوردو او گون كي بير الي يالين ميللت باغيريب سوسوزلوقدان جان وئرن دنيزينه سو ايسته ييردي.. ندن سو يئرينه جاواب گؤز ياشي آرتيجي قاز و قورشون ايدي؟؟.
*****
تيلفونو كؤكسومه سيخيب گؤزلريمي يومدوم، خاطيره لر تابلوسونو گؤزومون اؤنوندن گؤتورب نومره ني توتدوم.. ايشغال.. دوشوندوم هئچ زنگ آچماييم، نه ييم وار دئمك ايچين آخي؟؟ دئييم دولانماق خوش كئچدي؟ سوروشوم هارالاري دولاندين؟؟ آمان تانريم نئيله ييم؟؟ بيلسه بو نئچه گونو اونون دوشونجه سي ايله هر آنيم اون ايل كئچيب اوزولر.. يولداشلارينا تاپشيريب توتولسا منه دئمه سين لر هاردادير... آما نه ياخشي اولاردي بيلسه يدي من هر آن اونا دوشونورم و اونون يولو منيم يولومدور، ندن بولاري ايندييه دك دئمه ميشديم اونا؟؟ اوره ييم سيخيشدي، سانديم ايندي بوغازيمدان چيخار ائشيگه، تيلفونو گؤتوروب يئني دن نومره ني توتدوم. بير يورقون سس دئدي:« الو..» نه تانيش و ايستي بو سس! بوتون بورقونلوغوايلا بيليرديم گولور، هئچ زامان توتقون اولمايان سئوگيليم كسين ايندي ده گولوردو... سس يئنه دئدي «الو.. دانيشماياجاقسيز..؟..»
دوشوندوم بو ائليميزين ايلك آدديم لاريدير، سئوگيليم بوآدديم لاري آتماقدا ندن من اونلا يولبير اولماييم؟؟ گوجومو ييغيب تيترك سسله دئديم:« دوستاق خوش كئچدي؟؟ بو كز نئچه سيلله يئدين؟؟ يئنه اللريني باغلاييب سني ووروركن آجي سؤزلردئديلر؟؟ گؤز ياشلاريمي ييغميشام شوشه يه، گؤزلورم گله سن بيرگه آپاريب تؤكك دنيزيميزه...» گؤز ياشلاريم ماجال وئرمه دي اوجا سسله آغلاديم..
تئز اؤزومه گليب ياشلاريمي سيلديم. بير درين نفس چكيب، بو يولا اولان گوجلو ايناميم كيمي گوجلو دانيشماق ايسته ديم، موحكم دئديم:« بيليرم بو سون كز دئييل، بيزلر بو يولو گئتمه ليييك، گلن دفعه خانليغا گئدنده مني ده آپار. من ياخشي يولچو و گوجلو فيكيرداش اولماسامدا ياخشي يولداشام..، گله جك ده سينايا بيلرسن... منده ائليميزين باتميش حاقلاريني آلماغا چاليشاجاغام.. بو يولدا باتوم قوناغيم اولور اولسون ، سيلله قوناغيم اولور اولسون بلكه ده موتلو بير اينسان اولدوم و ائليمين يولوندا قورشونلار قاپيمي چالديلار.. توم بو آجي لارا حاضيرام يئتر بير قورو نفس ايچين سوسماغيميز ...»
يازار: آي سو
سونورام بوتون دوستاق چكن ديلداشلاريما...
تله س
تله س، گل. مني فيرتانايا سالماغا تله س! وور، آغلات، مني اؤزومدن آلماغا تله س!
تله س، يوللارا پاييز قوخوسو دوشمه ميش گل، گؤزلريم شكيليني ايتيرمه ميش گل! منه دئميشدين گؤزلريني يوم، اوناجان سايسان بوردايام. بير، ايكي... اون ساعات، اون گون، اون آي، اون ايل.. دونيانين بوتون اونلاريني سايديم.. گؤزلريم آغرييير داها آچيلمير، سوسوز تورپاق قالماييب كي گؤز ياشلاريمدان ايسلانماسين،من سنه بير يعقوب، يوسوفوم اول گل! گؤزلريمده سني ايتيردييم ايللر بويو تورپاق قالانيب، تله س گل، هله منليييمين قوخوسو گلير تورپاقدان، هله ايستيدير تورپاغيم، من تورپاغا دؤنمه ميش گل!
آ جانيم. نفس لريم بويدا اينتيظارلا گؤزلورم سني، يئرين نبضي چالينجا سسليرم سني، تورپاغيمين گوللري سن بويدا اولوب، گل، گل هله گؤر نئجه سئويرم سني..
من تورپاق اولسامدا، چوخ اؤزلورم سني، چوخ سئويرم مني سئوه سن! مني سئومه يه تله س..!!
گل...
يازار: آي سوسيرلار يوردونون يولچوسو
سن سيرلار يوردوندان گليبسن
و من سندن قورخورام...
...پري
تورپاق
هه، اينسان همئشه سيردان قورخور
گرك واختيندا ياتايديم
گؤز ايچين ياخشي گؤزلليك لر
قولاق ايچين ياخشي لاي لالار
و اوره يه ان گؤزل هئديه
سن هاردان گليرسن، ائي پري؟؟
بو تورپاقدا يول ايتيريب سن؟؟
يوخسا يولچوسان؟؟
و من
گرك واختيندا ياتايديم،
بلكه، سنين يوخونو گؤره يديم....
توركجه يه چئويرن: آي سو
سازين سسي( طنز حيكايه)
بير گون بير عاييله ائويني قونشويا تاپشيريب، دولانماغا گئدرلر.
آخشام قونشو ايشدن گلنده گؤرر يبر كور اوتوروب دولانماغا گئدن قونشونون قاپيسيندا سوروشار:
«آي قارداش بوردا نه ايش گؤرورسن؟؟»
كور دئير «بوردا اوتورموشام ساز چاليرام.»
دئير«بس سنين سازين هاني؟؟»
كور دئير« سازيم گؤرونمز..»
دئير« بس ندن سسي چيخمير..؟»
كور دئير« سسي ده ساباح چيخاجاخ»
كيشي گئديب اؤز ائوينده ياتار، سحر «اوغرو- اوغرو..» سسي ايله
يوخودان دوروب گؤرر قونشونون ائوين اوغورچو آپاريب. اؤز- اؤز ايله دوشونر« بس سازين سسي بويودو..»
يازار: آي سو
گل گؤزليم
شيرين ديلليم هايانداسان؟ ندن مني بوراخيب گئتدين؟ هانسي باغيشلانمار سوچوما جزالانديردين؟ دئ گؤروم، ندن سنسيزليگه محكومام؟
من بو بويالي دونيادا يالنيز سني سئچميشديم، يالنيز سني سئوميشيم، مني بوراخديغيندا بونا دوشوندون؟؟ بو مين-بير رنگ دونيادا كي آغيندان قارا تؤره نير، قاراسيندان آغ! دئ گؤروم هانسي رنگ سني منه قايتاراجاخ؟
شيرين ديلليم، گولر اوزلوم، باخ گؤر سني سئومك مني نه موتلو اينسان ائديب گؤر من ابللردي سن سيز هله ده سنين قوخونلا موتلو ياشاببرام.. سن گل سوچوم نه اولسا اؤنمي يوخ، جزا نه يازسان بويون اولارام. گل ساده جه گولوشونله مني دلي ائت، گل، شيرين ديلينله آغ آتلي شاهزاده لر دونياسينا آپار. گل، گول اوزونله مني گولدور.. سئويندير..
سن سن منيم وارليغيم، وارسانسا وارام، يوخسانسا تئيخا سني گؤزله يه جه يم..
سن سيز ايللردي قار دوشوب دونياما ساچلاريمي آغ-آپباغ آغارديب. گل يازلاندير، چيچك لندير دونيامي. من ياز نغمه سييم گل قوي گوللر آچيلسين...
يازار:آي سو