یاییلیب : یکشنبه 7 خرداد 1391 | یازار : آي سو،ساراي سولدوزلو | بؤلوم : آذربايجان حاققيندا شئعير و يازي | 1 باخيش لار
سيناو
سحر يئلي پرده ني قولچاق كيمي اويناديردي، آچيشقانين هر بوجاغيندان ايچه ري يورويوب يورقون هاوايا يئني جان وئريردي. هاوادا يورقون اولا بيلر؟ هه يورقون اولار، يولچو يورولماز اولسا هاواني دا يورار.
سحر يئلي پرده ني قولچاق كيمي اويناديردي، آچيشقانين هر بوجاغيندان ايچه ري يورويوب يورقون هاوايا يئني جان وئريردي. هاوادا يورقون اولا بيلر؟ هه يورقون اولار، يولچو يورولماز اولسا هاواني دا يورار.
كيتابا
باخدي، يالنيز اون واراق قالميشدي سونا چاتسين، آما يورقون كيرپيك لري
گؤزلرينين آياغينا دوشموش، يالواريب ياتماق ايسته ييب اونا اوخوماق ماجالي
وئرميردي. دئيسن يئل گؤزونون پرده سيني ده اويناديردي، ساعات 6:33
گئچيردي، دوروب اوزونو يويوب يئنه اوخوماغي باشلادي، آخي اؤزونه سؤز
وئرميشدي سيناودا بيرينجي نومره ني آلسين، سؤزونون اوستده دورماماق اونا
اؤلومدن پيس ايدي، سونوندا دوشوندو كيتابين تومونو اؤيره نيب. سئينيب
بيليم يوردويا گئتمه يه حاضيرلاندي، بير ليوان سود ايچيب يولا دوشدو
يئنه سورولاري يانيتلاماغا باشلادي، آما بير آن هاوادا بير
آغيرليق حيس ائتدي، باش قالديريب اوچ امنييتي قووه ني باشي اوستده گؤردو،
اونا «دور!!» حوكمو وئرديلر. شاشقين جاسينا سينو كاغيذينا باخدي، ايييرمي
سورودان يالنيز اوچ سورونو جاوابلاييب نئچه آلا بيلردي؟؟ «يالنيز اوچ!!»
يولداشلارينا وئردييي سؤزو يئرينه يئتير مه ميشدي آما بو اوچون اونا باشقا
بير دادي واريدي...
يازار: آي سو
يازار: آي سو