ايزلريميز
azərbaycan ədəbiyatının gözəlliklərindən bir bucaq
آرا گون(سه شنبه) آذر آيي نين 8-ي اورمو بيلي يوروندا بير شئعر اخشامي محررم ليگي قارشيلاماق و بؤيوك شاعيريميز مولانا محمد فضولي نين بؤيوك توتماسي موناسيبتله قورولدو. وئرليشين ايلك بؤلومونده دوقتور طالعي جينابلاري آذربايجان توركجه سينين ادبيات دوقتورو قوناقلارا خوش گلدين دئييب سؤزلرينين آرديندا مولانا فيضولي حاققيندا دانيشيق آپاردي. بو تؤرنده اورمونون ايكي ده­يرلي شاعير و يازيچي لاري دوقتور يوسوف بيداردل و سايين بهرام اسدي جينابلاري دعوت اولونموشدولار كي اؤز نؤبه لرينده محررم ليك و فيضولي حاققيندا دانيشديلار.
    بو تؤرنده تورك و فارس اؤيرنجي شاعيرلريده اؤز شئعرلريني اوخويوب اوچ اوستون شئعرده ن تقدير اولوندو. بو مراسيم اوستاد شهريارين «حوسئينه يئرلر آغلار، گؤيلر آغلار...» ديكله مه سيله سونا چاتدي. بو تؤرن اورمو بيلي يوردونون فرهنگي اومورونون رسمي موجويزينين قورولدو. بو آرادا يئري وار بو تؤرنين باشچيلاري بيلي يوردونون ايسلامي درنه يي و ايجرايي سوروملوسوندان تشككور ائدك.

یارپاق لار : 1


Powerd By : ARZUBLOG.COM Theme Designer : Blogskin.ir