یاییلیب : پنجشنبه 17 فروردین 1391 | یازار : آي سو،ساراي سولدوزلو | بؤلوم : آذربايجان حاققيندا شئعير و يازي | 3 باخيش لار
اورمويا گل..
يازار: آي سو
اورمويا هاچاغ گله جكسن سئوگيليم؟ سوردوم هاچاغ گله جكسن،
ايسته ديم بير شئي تاپشيرام، بير شئي كي سن ياشايان يئردن باشقا يئرده
تاپيلماز. ايسته ييرم دئييم گلنده اونودا گتير. سئوگيليم؛ اينديه دك سندن
هئچ نه ايسته مه ميشم، آما ايندي دئييرم يئنه اورمويا گل، اورمويا تئز-تئز
گل، گلنده اؤزونوده گتير، آخي هر ياني آختارديم آما اؤزون هئچ يئرده
تاپيلميسان، اونون ايچينده اؤزونو سنه تاپشيرديم، اؤزونو گتيرمه ييده
سنه...
جانيم بو طرفلره چوخ گل، اوره ييم يامان داريخير سنه، هر آن سني گؤرمك ايسته ييرم، اللريني اللريمده دوتوب بو شهرده دولانماق ايسته ييرم، بيلميرم ندندي سني، هر زامان يانيمدا دوشونورم بو شهرين هر كوچه سينه آياق آتديغيمدا سن منينله سن، هر نه يه باخديغيمدا سنين باخيشينين تاييدين ايزله ييرم، توم ثانيه لريم سنله گئچير... آما اؤزومه گلديييمده سن يوخسان...
سني بو شهرده گؤزله ييرم و بيليرم بو ياخيندا سنله بو شهرده، شهرچاييندا گؤروشه جه يم. خوشاكويا گئتمه سكده، دوققوز پيلله دولابلاري بيزه يئتر، بنده گئتمه يه واختين اولماسادا، اورمان پاركينين گون باتان لار اوقدر گؤزل دير كي بير دونيايلا دييشمك اولماز. شور گؤلونون سون نفس لري اولسادا بئله يئنه گؤرمه لي دير....
گل؛ اؤزونوده گتير، اورمو هله ده گؤزل دير و اورمودا بير قيز الينده چيچك، چاي قيراغيندا سني گؤزله يير، سني اؤزله يير، تئز گل..
جانيم بو طرفلره چوخ گل، اوره ييم يامان داريخير سنه، هر آن سني گؤرمك ايسته ييرم، اللريني اللريمده دوتوب بو شهرده دولانماق ايسته ييرم، بيلميرم ندندي سني، هر زامان يانيمدا دوشونورم بو شهرين هر كوچه سينه آياق آتديغيمدا سن منينله سن، هر نه يه باخديغيمدا سنين باخيشينين تاييدين ايزله ييرم، توم ثانيه لريم سنله گئچير... آما اؤزومه گلديييمده سن يوخسان...
سني بو شهرده گؤزله ييرم و بيليرم بو ياخيندا سنله بو شهرده، شهرچاييندا گؤروشه جه يم. خوشاكويا گئتمه سكده، دوققوز پيلله دولابلاري بيزه يئتر، بنده گئتمه يه واختين اولماسادا، اورمان پاركينين گون باتان لار اوقدر گؤزل دير كي بير دونيايلا دييشمك اولماز. شور گؤلونون سون نفس لري اولسادا بئله يئنه گؤرمه لي دير....
گل؛ اؤزونوده گتير، اورمو هله ده گؤزل دير و اورمودا بير قيز الينده چيچك، چاي قيراغيندا سني گؤزله يير، سني اؤزله يير، تئز گل..
يازار: آي سو